18 Мая
18.05.2018

Абвешчаны пераможцы конкурсу TIBO – 2018!

logo
Навiны
114 0 237
Памер шрыфта:
  • A
  • A
  • A

У Мінску пры падтрымцы Міністэрства сувязі і інфарматызацыі прайшоў XXV Міжнародны форум па інфармацыйна-камунікацыйных тэхналогіях TIBO – 2018. Галоўная частка форуму – падвядзенне вынікаў і ўзнагароджанне пераможцаў інтэрнэт-прэміі «TIBO 2018».

Сярод пераможцаў – тры інтэрнэт-рэсурсы, створаныя на базе Рэспубліканскага ўнітарнага прадпрыемства «Рэдакцыя газеты «Медыцынскі веснік » пад эгідай Міністэрства аховы здароўя Рэспублікі Беларусь.

Першае месца сярод інтэрнэт-рэсурсаў органаў дзяржаўнага кіравання заняў афіцыйны сайт Міністэрства аховы здароўя Рэспублікі Беларусь.

Лепшым у намінацыі «Культура, забавы, мерапрыемствы», паднамінацыі забаўляльныя рэсурсы і медыяпарталы, стаў інфармацыйны партал 24health.by.

Золата ў намінацыі «Для дзяцей і юнацтва» аддалі парталу для падлеткаў teenage.by.

Віншаванне з заслужанай перамогай у адрас супрацоўнікаў Рэдакцыі газеты « Медыцынскі веснік» накіраваў міністр аховы здароўя Рэспублікі Беларусь Валерый Малашка:

«Аўтарытэтнае журы прызнала лепшымі ў сферы папулярызацыі здаровага ладу жыцця сярод дарослых і дзяцей нашай краіны парталы РУП «Рэдакцыя газеты «Медыцынскі веснік» 24health.by і teenage.by. Гэта сведчыць пра тое, што інтэрнэт-рэсурсы створаны на самым высокім тэхнічным узроўні і напоўнены цікавымі і карыснымі для шырокай аўдыторыі матэрыяламі. За невялікі адрэзак часу парталы спадабаліся карыстальнікам не толькі з Беларусі, але і з многіх іншых краін.

Віншую з заслужанай перамогай унікальную каманду журналістаў і медыкаў, якая працавала над стварэннем інтэрнэт-праектаў, і выказваю персанальную падзяку Вользе Іванаўне Святліцкай – кіраўніку парталаў, кандыдату медыцынскіх навук».

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

114 0 237

Глядзіце таксама
Наверх