24 Ліпеня
24.07.2018

Якая цудоўная, гэтая ваша рыба! Сялянка – рыбная салянка

logo
Еш ды худзей
87 0 17
Памер шрыфта:
  • A
  • A
  • A

Пра тое, чым каштоўная рыба і чаму яе абавязкова трэба есці, мы ўжо пісалі. Але часта бывае так, што нават да самага карыснага і далікатэснага прадукту душа не ляжыць. То смак не падабаецца, то марока з падрыхтоўкай палохае – і яшчэ тысяча розных адгаворак, чаму не рыба. Ваш выпадак? Можа быць, вы проста не ведаеце, як яе гатаваць?

Мы сабралі для нашых чытачоў рэцэпты выдатных страў з рыбы, якія захоўваюць усю карысць каштоўнага прадукту, лёгкія ў гатаванні і папросту могуць стаць рызынкай не толькі будзённага, але і святочнага стала.

Рыбная солянка

Лінгвісты дагэтуль спрачаюцца, якая з назваў з'яўляецца вернай: сялянка або салянка. А мэтры рускай кухні так і не змаглі дамовіцца, які прадукт першапачаткова склаў аснову знакамітай на ўвесь свет стравы: рыба ці мяса.

Мы ў сутнасць пытання ўнікаць не будзем. Галоўнае, што смак у рыбнай сялянцы цудоўны, насычаны, запамінальны. А простая назва толькі падкрэслівае лёгкасць прыгатавання і сытнасць стравы.

Інгрэдыенты

  • рыба – 500 г (лепш не занадта дробная і не вельмі касцістая, напрыклад, фарэль, пікша, скумбрыя);
  • салёныя агуркі – 4 шт. (падыдуць і марынаваныя);
  • цыбуля – 2 шт.;
  • таматная паста – 2-3 ст. л.;
  • каперсы – 1 ст. л.;
  • масліны без костачак – 10 шт.;
  • чорны перац гарошкам – 3 шт.;
  • лаўровы ліст – 1 шт.;
  • лімон;
  • соль;
  • раслінны алей.

Спосаб прыгатавання

Для рыбнай салянкі лепш набываць неразабраную свежую рыбу. Перад гатаваннем яе варта пачысціць, вынуць вантробы, разабраць. З галавы і хваста зварыць булён, заліўшы 2,5 л халоднай вады і вытрымаўшы на сярэднім агні 30 хвілін пасля закіпання. Затым яго працадзіць.

Пакуль варыцца булён, нарэжце філе рыбы невялікімі кавалачкамі, агуркі – кружочкамі. У разагрэтую патэльню дадайце раслінны алей, абсмажце да залацістага колеру здробненую цыбулю. Дадайце таматную пасту і, памешваючы, патрымаеце на агні яшчэ 5 хвілін.

Як толькі булён і цыбуля будуць гатовыя, у вялікі рондаль пакладзіце кавалачкі рыбнага філе, агуркі, каперсы, пасіраваную цыбулю, чорны перац і лаўровы ліст. Заліце булён, які папярэдне працадзілі, пасаліце і варыце 15 хвілін.

Падаюць салянку разлітай па талерках. У кожную парцыённа дадаюць палову лімона, масліны, зверху пасыпаюць дробна парэзанай свежай зелянінай.

Наша парада: разбірайце свежую рыбу акуратна, каб не пашкодзіць жоўцевы пузыр, інакш яна будзе гарчыць. Калі ўсё ж такі жоўць разлілася, трэба старанна працерце знутры тушку соллю і моцна прамыць халоднай вадой.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

87 0 17

Член Беларускага саюза журналістаў. Лаўрэат прэміі Беларускага саюза журналістаў.
Наверх