22 Ліпеня
22.07.2018

Халаднік – я яго зляпіла з таго, што было

logo
Здаровае меню
177 0 26
Памер шрыфта:
  • A
  • A
  • A

Яшчэ адным упадабаным летнім халодным супам з'яўляецца халаднік. Варыянтаў гатавання гэтага супу настолькі шмат, што цяжка сабе ўявіць. Па сутнасці, яго можна гатаваць з усяго, што знойдзецца ў вас у халадзільніку ці падабаецца вам па сваіх смакавых якасцях. А ўсё таму, што гісторыя з'яўлення гэтай стравы вельмі цікавая. Яшчэ ў 19 стагоддзі халаднік быў не супам, а закускай. Па сутнасці, усё, што запівалі квасам, лічылася халадніком. Так, напрыклад, даволі часта на Русі простую рэдзьку запівалі квасам, а бурлакі (тыя самыя, што на Волзе) гатавалі даволі цікавую страву з квасу, сушанай воблы, бульбы і агародніны. Дарэчы, блізкай сваячкай гэтага халоднага летняга супу з'яўляецца бацвінне.

Сакрэты прыгатавання халадніку

Нягледзячы на ўяўную прастату прыгатавання халадніку, усё можна сапсаваць няправільным спалучэннем інгрэдыентаў.

  1. У якасці вадкай асновы для халадніка, як правіла, выкарыстоўваецца квас. Аднак яго можна замяніць кісламалочнымі прадуктамі (кефір, айран), адварам з буракоў, ягад, расолам, мінеральнай вадой.
  2. Добра спалучаюцца паміж сабой «не квасныя» асновы і прадукты з кіслінкай (журавіны, квашаная капуста, лімон, мочаныя яблыкі). Для надання страве вастрыні можна выкарыстоўваць хрэн і гарчыцу.
  3. Квас, які выкарыстоўваецца для падрыхтоўкі халадніка, не павінен быць салодкім. Лепш за ўсё выкарыстоўваць так званы белы квас.
  4. Калі нацерці радыску і агурок на тарцы, смак стравы толькі выйграе за кошт соку з гародніны. Усе астатнія кампаненты пажадана нарэзаць дробнымі кубікам.
  5. Зеляніну пажадана папярэдне расцерці з соллю. Так травы аддадуць свой непаўторны водар.
  6. Мяса і рыба, якія выкарыстоўваюцца для падрыхтоўкі халадніка, павінны быць нятлустых гатункаў, бо гэта, усё ж такі, халодны суп.
  7. Заўсёды вельмі выйгрышна ў страве спалучаюцца некалькі відаў мяса ці рыбы.

Класічны халаднік з мясам

Інгрэдыенты

  • Ялавічына ці язык адварныя – 200 г;
  • Звараныя ўкрутую яйкі – 3 шт;
  • Бульба адварная – 3 шт;
  • Цыбуля зялёная, кроп – па 1 пучку;
  • Радыска – 5 шт;
  • Агуркі свежыя – 3 шт;
  • Гарчыца сталовая – 1 ст. л.;
  • Квас – 1,5 л;
  • Смятана – 2 ст. л.;
  • Сок аднаго лімона;
  • Соль, перац.

Прыгатаванне

Адварную бульбу неабходна нацерці на буйной тарцы і змяшаць з дробна парэзаннай зялёнай цыбулей. Дадаць соль і ператварыць атрыманую сумесь у пюрэ.

Мяса нарэзаць кубікамі; кроп здрабніць з дапамогай нажа; радыску, агурок і адварныя яйкі нацерці на тарцы.

Усе падрыхтаваныя прадукты складзіце ў ёмістасць, запраўце смятанай і гарчыцай. Дадайце квас, цытрынавы сок, соль і перац.

Пасля таго, як 2 гадзіны халаднік астудзіцца ў халадзільніку, яго можна падаваць на стол, дадаўшы палову яйка.

Халаднік на кефіры

Інгрэдыенты

  • Вяндліна – 400 г;
  • Агурок свежы – 2 шт;
  • Бульба адварная – 2 шт;
  • Зялёная цыбуля, кроп, пятрушка – па 1 пучку;
  • Адварныя яйкі – 2 шт;
  • Радыска – 5-6 шт;
  • Соль;
  • Кефір – 1,5 л.

Прыгатаванне

Дробнымі кубікамі нарэзаць вяндліну, бульбу, яйкі, агуркі. Радыску і зеляніну здрабніць. Усе інгрэдыенты пакласці ў рондаль, пасаліць і перамяшаць.

Дадаць да сумесі кефір. Астудзіць і падаваць на стол, упрыгожыўшы галінкай кропу.

Рыбны халаднік на квасе

Інгрэдыенты

  • Рыба (траска, нерка) – 1 кг.
  • Квас – 1,75-2 л.
  • Морква – 1 шт.
  • Лук – 1 шт.
  • Бульба адварная – 4 шт.
  • Сельдэрэй – 2 хвосцікі.
  • Свежыя агуркі – 3 шт.
  • Кроп, пятрушка – па адным пучку.
  • Гарчыца – 0,5 ст. л.
  • Соль, перац.

Прыгатаванне

Пачышчаную ад вантробаў і лускі рыбу пакласці ў рондаль з морквай і цыбуляй, заліць халоднай вадой і варыць на невялікім агні 30 хвілін пасля закіпання. Пасля таго як рыба зварыцца, яе неабходна астудзіць, аддзяліць філе ад костак і разабраць на невялікія кавалачкі.

Адварную бульбу, пачышчаныя ад скуркі агуркі і сельдэрэй нарэзаць кубікамі.

Страву падаюць порцыямі. У талерку пакласці бульбу, агурок, сельдэрэй, некалькі кавалачкаў рыбы, зеляніну, дадаць соль і перац, заліць квасам. Для вастрыні, па жаданні, можна дадаць хрэн або гарчыцу.

Матэрыялы на сайце 24health.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце 24health.by.

177 0 26

Наверх